ئەردۆغان : پەکەکەی تیرۆریست بە شێوەیەکی یەک‌لایەنە و بەبێ هیچ مەرج و داواکارییەک خۆی هەڵوەشاندووەتەوە
لە دوای ئەو هەموو هەوڵانەی پەکەکە بۆ خۆشخزمەتی تورکیا، کە بە پلان و ڕاوێژی تورکیا ئەنجام دران، بە تایبەت سووتاندنی چەکەکانیان، سەرۆککۆماری تورکیا، رەجەب تەییب ئەردۆغان، بە دڵخۆشییەکی زۆر وتاری سەرکەوتنی تورکیای پێشکەش کرد. ئەو بە ئاشکرا لە وتارەکەیدا وتی کە پەکەکەی تیرۆریست و بە زەقی بە تیرۆریستی ناو برد وتی بە شێوەیەکی یەک‌لایەنە و بەبێ هیچ مەرج و داواکارییەک خۆی هەڵوەشاندووەتەوە.
ئەردۆغان لە وتارەکەیدا جەختی کردەوە کە ئەم سەرکەوتنە دەسکەوتی پلانێکی ژیرانەی چەندین ساڵەی تورکیا بووە بۆ پاراستنی یەکپارچەیی وڵات و رێگریکردن لە دابەشبوونی . هەرچەندە لە هەندێک بەشی وتارەکەیدا باسی هاوکاری نێوان تورک و کوردی کرد لە شەڕە مێژووییەکاندا، بەڵام زۆربەی قسەکانی دژ بە کوردەکان بوو. ئەو کوردەکانی بە “تیرۆریست” و “سەربەخۆییخواز” ناوزەند دەکرد و وتی کە تورکیا توانیویەتی پلانەکانی تیرۆر و سەربەخۆخوازیی کوردەکان بنبڕ بکات. ئەردۆغان بە شانازییەوە وتی وامان کرد کە مانگ و ئەستێرەی ئاڵای تورکیا بۆ هەمیشە بەرز و بە شکۆ بمێنێتەوە
هەروەها باسی سووریایشی کرد و وتی سووریایش لە تیرۆرسیت بە هاوکاری ئەحمەد شەرع پاک دەکەینەوە بۆ سووریایکی یەک پارچە کە لێرەیش دووبارە مەبەستی لە تیرۆریست تەنیا کوردەکان بوو
جا با کۆیلەکانیش شای و هەڵپەڕکی بکەن بۆ شاردنەوەی ڕاستییەکان و ناوی بنن پرۆسەی ئاشتی
بەڵام سەرە ڕای ئەم هەموو پلانانەی دژ بە کورد زۆر جار پلانەکان پێچەوانە دەبێتەوە دژ بە خۆیان هیوادارین کە قسەکانی ئەردۆغان و عەبدوڵلا ئۆجەلان پێچەوانە بێتەوە و هێزی سەربەخۆخوازی کورد ئەم جار بەهێزتر سەر هەڵبداتەوە .
